- Album Intro
- Lyrics
- Album list
- Singer Intro
榕幫
-
恨
Lyricist:詹士賢、李家昀 Composer:詹士賢、李家昀、洪一峰
龍角吹來 第啊第一聲囉
我這馬才到 是按怎逐家攏咧哭 我的年歲猶未老 這世人猶閣耍無夠 看著阿爸阿母阿兄 逐家吼甲遮艱苦 紅頭法師就徛佇遐 希望家屬莫閣煩惱 尪姨啊 手彼支是啥 敢是蔫予我的? 遮大捲 邊仔小旦今仔日穿甲媠噹噹 轉來寶島隨予人辦喪禮 牽亡鬥鬧熱 想欲轉去 愛倒頭行路關 像尪姨倒退 獻錢來 燒紙來 燒錢獻紙買路來 獻錢來 燒紙來 燒錢獻紙買路來
親情 友情 愛情 到底佗一項卡重要 金錢 夢想 理想 到底佗一項卡重要 影響 權力 努力 到底佗一項卡重要 我恨你 我恨你 到底啥物叫做重要
倚佇望鄉台邊 看著爸爸媽媽阿姐 毋甘願我的人生 就到遮為止 烏烏的雙手捀著龍關井的水 共啉落還陽倒退倒退拜請五營神兵 龍角共吹落 土地公啊你佮目連開講煞啊未 觀音大士啊 感謝你予我佇六角亭內QK啊 欲來走 欲來走 迒過破錢閃過銅蛇鐵狗 猶未有孝序大哪有可能予怹來吼 行你就行過囉 閻王 另工才來揣你囉
枉死城內哀怨聲 歲壽未該這馬欲來行 亡魂溪水青優優 指甲目睭洗了欲來溜 黑土路上黑分分 王春啊歹勢我袂認份 萬里沙波路接人世間 一聲喝落隨破棺而出
ちょっと待って 欸 各位是啥物面色 紅頭法師面反青 阿母你嘛無血色 成功轉來世間 阮總算反轉生死 煞予當做欺神騙鬼眼前是無人相認 咱攏捌予人欺負 聽怹講怹的歷史 袂當講咱的語言 傳承著島嶼的故事 萬刀碎割 這怨恨敢放的煞 毋過我知影 我嘛知影 你也是殖民的受害者 其實咱無遐無仝 攏期待穩定的生活 逐暗欲睏的進前 希望明仔載嘛叫仝款的名 身軀滿傷痕 是百年來對家己的生份 請你莫用彼款眼神看待我的身份
花園市內的花味仔芳 欲蔫去的花欉 猶原閣寄著咱的向望 頭前的路途有偌無仝 激氣無所在藏 滿腹怨慼攏揣無人講
是按怎我會感覺齷齪 無人會了解我 敢是因為我傷過直接 那按呢這馬佇遮看破 接受我的運命 是一个無完整的人 是按怎我會感覺齷齪 無人會了解我 敢是因為我傷過直接 那按呢這馬佇遮看破 接受我的運命 是一个無完整的人
------------------------------------------
22658/《恨》Hūn 榕幫樂團Iông-pang Ga̍k-thuân
龍角吹來 lîng-kak tshue-lâi 第啊第一聲囉 tē--ah tē-it siann--loh -
我這馬才到 guá tsit-má tsiah kàu 是按怎逐家攏咧哭 sī-án-tsuánn ta̍k-ke lóng teh khàu 我的年歲猶未老 guá ê nî-huè iáu-bē lāu 這世人猶閣耍無夠 tsit-sì-lâng iáu-koh sńg bô-kàu 看著阿爸阿母阿兄 khuànn-tio̍h a-pa a-bú a-hiann 逐家吼甲遮艱苦 ta̍k-ke háu kah tsiah kan-khóo 紅頭法師就徛佇遐 âng-thâu huat-su tō khiā tī hia 希望家屬莫閣煩惱 hi-bāng ka-sio̍k mài koh huân-ló
尪姨仔 ang-î-á 手彼支是啥 tshiú hit ki sī siánn 敢是撚予我的 kám-sī lián hōo guá ê 遮大捲 tsiah tuā kńg 邊仔小旦 pinn--á sió-tuànn 今仔穿甲媠噹噹 kin-á tshīng kah suí-tang-tang
轉來寶島 tńg-lâi pó-tó 隨予人辦喪禮 suî hōo-lâng pān song-lé 牽亡鬥鬧熱 khan-bông tàu-lāu-jia̍t 想欲轉去 siūnn-beh tńg--khì 愛倒頭行路關 ài tò-thâu-kiânn lōo-kuan 像尪姨倒退 tshiūnn ang-î tò-thè
獻錢來 hiàn-tsînn lâi 燒紙來 sio-tsuá lâi 燒錢獻紙買路來 sio-tsînn hiàn-tsuá bé-lōo lâi 獻錢來 hiàn-tsînn lâi 燒紙來 sio-tsuá lâi 燒錢獻紙買路來 sio-tsînn hiàn-tsuá bé-lōo lâi
親情友情愛情 tshin-tsîng iú-tsîng ài-tsîng 到底佗一項較重要 tàu-té tó tsi̍t-hāng khah tiōng-iàu 金錢夢想理想 kim-tsînn bāng-sióng lí-sióng 到底佗一項較重要 tàu-té tó tsi̍t-hāng khah tiōng-iàu 影響權力努力 íng-hióng khuân-li̍k lóo-li̍k 到底佗一項較重要 tàu-té tó tsi̍t-hāng khah tiōng-iàu 我恨你 guá hūn lí 我恨你 guá hūn lí 到底啥物叫做重要 tàu-té siánn-mih kiò-tsuè tiōng-iàu
向倚佇望鄉臺邊 ǹg uá tī bāng-hiong-tâi pinn 看著爸爸媽媽阿姊 khuànn-tio̍h pa-pa ma-ma a-tsí 毋甘願我的人生 m̄ kam-guān guá ê jîn-sing 就到遮為止 tiō kàu tsia uî-tsí Find more lyrics at ※ Mojim.com 烏烏的雙手 oo-oo ê siang-tshiú 捀著龍關井的水 phâng tio̍h Liông-kuan-tsínn ê tsuí 共啉落還陽 kā lim--lueh huân-iông 倒退倒退 tò-thèr tò-thèr 拜請五營神兵 pài tshiánn ngóo-iânn sîn-ping
龍角共吹落 lîng-kak kā tshue--lueh 土地公啊 Thóo-tī-kong--ah 你佮目連開講 lí kah Bo̍k-liân khai-káng 煞矣無 suah--ah bô 觀音大士啊 Kuan-im-tāi-sū--ah 感謝你予我 kám-siā lí hōo guá 佇六角亭內休憩啊 tī la̍k-kak-tîng lāi kyūkē--ah
欲來走 beh lâi tsáu 欲來走 beh lâi tsáu 迒過破錢 hānn kuè phuà-tsînn 閃過銅蛇鐵狗 siám kuè tâng-tsuâ thih-káu 猶未有孝序大 iáu-buē iú-hàu sī-tuā 哪有可能予怹來吼 ná-ū khó-lîng hōo in lâi háu
行你就行過橋囉 kiânn lí tiō kiânn kuè-kiô--loh 閻王 Giâm-ông 閣另工才來揣你囉 koh līng-kang tsiah lâi tshēr lí--loh 枉死城內哀怨聲 Óng-sí-siânn lāi ai-uàn siann 歲壽未該這馬欲來行 huè-siū buē-kai tsit-má beh lâi kiânn 亡魂溪水青釉釉 bông-hûn khe-tsuí tshinn iu-iu 指甲目睭洗了欲來溜 tsíng-kah ba̍k-tsiu sé-liáu beh lâi liu 烏塗路上烏分分 oo-thôo-lōo siōng oo hun-hun 王春仔 Ông-tshun-á 歹勢我袂認份 pháinn-sè guá bē jīn-hūn 萬里沙波路接人世間 bān-lí sua-pho-lōo tsiap jîn-sè-kan 一聲喝落 tsi̍t-siann huah--lueh 隨破棺而出 suî phuà kuan jî tshut
一寸待って chotto matte 欸!各位是啥物面色 eh! koh-uī sī siánn-mih bīn-sik 紅頭法師面反青 âng-thâu huat-su bīn huán-tshinn 阿母你嘛無血色 a-bú lí mā bô hueh-sik 成功轉來世間 sîng-kong tńg-lâi sè-kan 阮總算反轉生死 gún tsóng-sǹg huán-tsuán senn-sí 煞予當做欺神騙鬼 suah hōo tòng-tsò khi sîn phiàn kuí 眼前是無人相認 gán-tsiân sī bô-lâng sio-jīn
咱攏捌予人欺負 lán lóng bat hōo-lâng khi-hū 聽怹講怹的歷史 thiann in kóng in ê li̍k-sú 袂當講咱的語言 buē-tàng kóng lán ê gí-giân 傳承著島嶼的故事 thuân-sîng tio̍h tó-sū ê kòo-sū 萬刀碎割 bān-to suì-kuah 這怨恨 tse uàn-hūn 敢放會煞 kám pàng ē suah
毋過我知影 m̄-koh guá tsai-iánn 我嘛知影 guá mā tsai-iánn 你也是殖民的受害者 lí iā-sī si̍t-bîn ê siū-hāi-tsiá 其實咱無遐無仝 kî-si̍t lán bô hiah bô-kāng 攏期待穩定的生活 lóng kî-thāi ún-tīng ê sing-ua̍h 逐暗欲睏的進前 ta̍k-àm beh khùn ê tsìn-tsîng 希望明仔載 hi-bāng mia̋-tsài 嘛叫仝款的名 mā kiò kāng-khuán ê miâ 身軀滿傷痕 sin-khu muá siong-hûn 是百年來 sī pah-nî lâi 對家己的生份 tuì ka-kī ê tshinn-hūn 請你莫用彼款眼神 tshiánn lí mài iōng hit khuán gán-sîn 看待我的身份 khuànn-thāi guá ê sin-hūn
花園市內的花味仔芳 hue-hn̂g-tshī lāi ê hue-bī-á phang 欲蔫去的花欉 bueh lian--khì ê hue-tsâng 猶原閣寄著咱的向望 iu-guân koh kià tio̍h lán ê ǹg-bāng 頭前的路途有偌無仝 thâu-tsîng ê lōo-tôo ū guā bô-kāng 激氣無所在藏 kik-khuì bô sóo-tsāi tshàng 滿腹怨慼 muá-pak uàn-tsheh 攏揣無人講 lóng tshēr-bô lâng kóng
是按怎 sī-án-tsuánn 我會感覺齷齪 guá ē kám-kak ak-tsak 無人會了解我 bô-lâng ē liáu-kái guá 敢是因為 kánn-sī in-uī 我傷過直接 guá siunn-kuè ti̍t-tsiap 若按呢 nā án-ne 這馬佇遮看破 tsit-má tī tsia khuànn-phuà 接受我的運命 tsiap-siū guá ê ūn-miā 是一个無完整的人 sī tsi̍t-ê bô uân-tsíng ê lâng
------ 來 lâi 封釘 hong-ting 一點東方甲乙木 it tiám tang-hong kah-it bo̍k 囝孫代代受福祿 kiánn-sun tāi-tāi siū hok-lo̍k 有喔 ū--ooh
二點南方丙丁火 jī tiám lâm-hong piánn-ting hónn 囝孫代代發家伙 kiánn-sun tāi-tāi huat ke-hué 有喔 ū--ooh
三點西方庚辛金 sam tiám se-hong king-sin kim 囝孫代代富萬金 kiánn-sun tāi-tāi hù bān-kim 有喔 ū--ooh
四點北方壬癸水 sì tiám pak-hong jîm-kuí tsuí 囝孫代代大富貴 kiánn-sun tāi-tāi tuā hù-kuì 有喔 ū--ooh
五點中央戊己土 ngóo tiám tiong-iong bōo-kí thóo 囝孫代代壽元如彭祖 kiánn-sun tāi-tāi siū-guân jû Phînn-tsóo
- Special thanks to W.B. Chen for correcting the lyric.
- Related Links: W.B. Chen
|