- Album Intro
- Lyrics
- Album list
- Singer Intro
榕幫
-
怨
Lyricist:詹士賢、李家昀、高華辰 Composer:詹士賢、李家昀、高華辰
我是啥人 我佇佗 我是啥人 我佇佗 阮拄才唱到一半這馬到底佇佗位 我是啥人 我佇佗 我是啥人 我佇佗 唱到一半倒佇遮敢講是佛祖無保庇 什麼 原來欲去陰曹地府 我才二十偌歲猶閣袂赴有孝爸母 阿爹阿娘是我毋好硬欲做音樂 害恁這馬揣無我 對日時煩惱到下暗 胸坎疼疼 原來阮著銃 阮無做毋著 煞會有報應 怹講頭前幾若條路會行規半晡 乖乖仔聽話過完三十六關了後無痛苦
同齊過路關 我的愛人 你著愛卡保重 做伙落地獄 著委屈 佮滿腹苦衷 同齊過路關 這世人的記持 全攏放袂記 做伙落地獄 出世做伙拍拚過身繼續做兄弟仔
草埔路上 草青青 冷水坑路 上青苔 六角亭內 小喘氣 請觀音嬤保庇 草埔路上 草青青 冷水坑路 上青苔 六角亭內 小喘氣 啊
我的委屈 我的怨慼 代誌到這个範勢 所有的人情世事早就攏看破 我毋甘 我毋甘 我為啥物閣佇遮 這馬到底是啥狀況怹閣毋肯放我煞
無法度接受 蕃薯囝為著土地出聲 追求公平正義煞予怹來踏性命 三粒銃子彈過 一甲子無改變 踮遮咧泣血 吼規暝 袂赴寄出的批 猶未講出的話 敢是咧後悔 滿怨慼 無法度理解 一擺閣一擺劫走阮的財產 奇怪 怹來到阮兜了後變遮粗殘 別人的囝死袂了 想袂到是會曉 講國語的人才有資格決定啥物會當留 阮的恨啊 阮的苦啊 阮一生的折磨敢會當遮煞 阮的恨啊 阮的苦啊 看袂起的眼神敢會當到遮煞 玉山的雪總有一工會溶去 埋佇樹底的頭鬃袂當放袂記 壓霸的銃子挈走阮的身軀毋是命 阮的神魂活佇這條歌 魂魄猶原徛佇遮
大石板路 大石埔 白雲山嶺 白茫茫 白布店前 好迌 花童有古錐無 大石板路 大石埔 白雲山嶺 白茫茫 白布店前 好迌 啊
我的委屈 我的怨慼 代誌到這个範勢 所有的人情世事早就攏看破 我毋甘 我毋甘 望鄉一工過一工 我無愛踮遮娘媽請你我轉去世間看
------------------------------------------
22657/《怨》Uàn 榕幫樂團Iông-pang Ga̍k-thuân
我是啥人 guá sī siánn-lâng 我佇佗 guá tī toh 我是啥人 guá sī siánn-lâng 我佇佗 guá tī toh 阮拄才唱到一半 gún tú-tsiah tshiùnn kàu tsi̍t-puànn 這馬到底佇佗位 tsit-má tàu-té tī tó-uī
我是啥人 guá sī siánn-lâng 我佇佗 guá tī toh 我是啥人 guá sī siánn-lâng 我佇佗 guá tī toh 唱到一半 tshiùnn kàu tsi̍t-puànn 倒佇遮 tó tī tsia 敢講是佛祖無保庇 kám-kóng sī Hu̍t-tsóo bô pó-pì
啥物 siánn-mih 原來欲去陰曹地府 guân-lâi beh khì im-tsô tē-hú 我才二十外歲 guá tsiah jī-tsa̍p guā huè 猶閣袂赴有孝爸母 iáu-koh buē-hù iú-hàu pē-bú 阿爹阿娘 a-tia a-niâ 是我毋好 sī guá m̄-hó 硬欲做音樂 ngē beh tsò im-ga̍k 害恁這馬揣無我 hāi lín tsit-má tshuē-bô guá 對日時 tuì ji̍t--sî 煩惱到盈暗 huân-ló kàu îng-àm
胸坎疼疼 hing-khám thiànn-thiànn 原來阮著銃 guân-lâi gún tio̍h-tshìng 阮無做毋著 gún bô tsò m̄-tio̍h 煞會有報應 suah ē ū pò-ìng
怹講頭前幾若條路 in kóng thâu-tsîng kuí-ā tiâu lōo 會行規半晡 ē kiânn kui-puànn-poo 乖乖仔聽話 kuai-kuai-á thiann-uē 過完三十六關了後 kèr uân sann-tsa̍p-la̍k kuan liáu-āu 無痛苦 bô thòng-khóo
同齊過路關 tâng-tsê kuè lōo-kuan 我的愛人 guá ê ài-jîn 你著愛較保重 lí tio̍h-ài khah pó-tiōng 做伙落地獄 tsò-hué lo̍h tē-ga̍k 𤆬著委屈 tshuā tio̍h uí-khut 佮滿腹苦衷 kah muá-pak khóo-thiong 同齊過路關 tâng-tsê kuè lōo-kuan 這世人的記持 tsit-sì-lâng ê kì-tî 全攏放袂記 tsuân lóng pàng-buē-kì Find more lyrics at ※ Mojim.com 做伙落地獄 tsò-hué lo̍h tē-ga̍k 出世做伙拍拚 tshut-sì tsò-hué phah-piànn 過身繼續做兄弟仔 kuè-sin kè-sio̍k tsuè hiann-tī-á
草埔路上 tsháu-poo lōo-siōng 草青青啊 tsháu tshinn-tshinn--ah 冷水坑路 Líng-tsuí-khinn lōo 上青苔啊 tshiūnn-tshinn-thî--ah 六角亭內小喘氣 la̍k-kak-tîng lāi sió tshuán-khuì 請觀音媽保庇 tshiánn Kuan-im-má pó-pì 草埔路上 tsháu-poo lōo-siōng 草青青啊 tsháu tshinn-tshinn--ah 冷水坑路 Líng-tsuí-khinn lōo 上青苔啊 tshiūnn-tshinn-thî--ah 草青青 tsháu tshinn-tshinn 冷水坑路 Líng-tsuí-khinn lōo 上青苔 tshiūnn-tshinn-thî 六角亭內小喘氣啊 la̍k-kak-tîng lāi sió tshuán-khuì--ah
我的委屈 guá ê uí-khut 我的怨慼 guá ê uàn-tsheh 代誌到這个範勢 tāi-tsì kàu tsit ê pān-sè 所有的人情世事 sóo-ū ê jîn-tsîng sè-sū 早就攏看破 tsá tō lóng khuànn-phuà 我毋甘我毋甘 guá m̄-kam guá m̄-kam 我為啥物閣佇遮 guá uī-siánn-mih koh tī tsia 這馬到底是啥狀況 tsit-má tàu-té sī siánn tsōng-hóng 怹閣毋肯放我煞 in koh m̄-khíng pàng guá suah
無法度接受 bô-huat-tōo tsiap-siū 番薯囝 han-tsî-kiánn 為著土地出聲 uī-tio̍h thóo-tē tshut-siann 追求公平正義 tui-kiû kong-pînn tsìng-gī 煞予怹來𧿬踏性命 suah hōo in lâi thún-ta̍h sìnn-miā 三粒銃子彈過 sann-lia̍p tshìng-tsí tuānn--kuè 一甲子無改變 tsi̍t kah-tsú bô kái-piàn 踮遮咧泣血吼規暝啊 tiàm tsia teh khip-hiat háu kui-mê--ah 袂赴寄出的批 buē-hù kià-tshut ê phue 猶未講出的話 iáu-buē kóng--tshut ê uē 敢是咧後悔滿怨慼 kám-sī teh hiō-hué muá uàn-tsheh
無法度理解 bô-huat-tōo lí-kái 一擺閣一擺 tsi̍t-pái koh tsi̍t-pái 劫走阮的財產 kiap-tsáu gún ê tsâi-sán 奇怪 kî-kuài 怹來到阮兜了後 in lâi-kàu gún tau liáu-āu 變遮粗殘 piàn tsiah tshoo-tshân
別人的囝死袂了 pa̍t-lâng ê kiánn sí buē-liáu 想袂到 siūnn buē-kàu 是會曉講國語的人 sī ē-hiáu kóng kok-gí ê lâng 才有資格 tsiah ū tsu-keh 決定啥物會當留 kuat-tīng siánn-mih ē-tàng lâu
阮的恨啊 gún ê hūn--ah 阮的苦啊 gún ê khóo--ah 阮一生的折磨 gún it-sing ê tsiat-buâ 敢會當到遮煞 kám ē-tàng kàu tsia suah 阮的恨啊 gún ê hūn--ah 阮的苦啊 gún ê khóo--ah 看袂起的眼神 khuànn-bē-khí ê gán-sîn 敢會當到遮煞 kám ē-tàng kàu tsia suah
玉山的雪 Gio̍k-san ê seh 總有一工會溶去 tsóng ū-tsi̍t-kang ē iûnn--khì 埋佇樹底的頭鬃 tâi tī tshiū-té ê thâu-tsang 袂當放袂記 buē-tàng pàng-buē-kì 壓霸的銃子 ah-pà ê tshìng-tsí 挈走阮的身軀 khe̍h-tsáu gún ê sin-khu 毋是命 m̄-sī miā 阮的神魂活佇這條歌 gún ê sîn-hûn ua̍h tī tsit tiâu kua 魂魄猶原徛佇遮 hûn-phik iu-guân khiā tī tsia
大石枋路大石埔啊 tuā tsio̍h-pang-lōo tuā-tsio̍h poo--ah 白雲山嶺白茫茫啊 pe̍h-hûn suann-niá pe̍h-bông-bông--ah 白布店前好𨑨迌 pe̍h-pòo-tiàm tsîng hó tshit-thô 花童有古錐無 hua-tông ū kóo-tsui--bô 大石枋路大石埔啊 tuā tsio̍h-pang-lōo tuā-tsio̍h poo--ah 白雲山嶺白茫茫啊 pe̍h-hûn suann-niá pe̍h-bông-bông--ah 白布店前好𨑨迌啊 pe̍h-pòo-tiàm tsîng hó tshit-thô--ah
啊~我的委屈 ah~ guá ê uí-khut 我的怨慼 guá ê uàn-tsheh 代誌到這个範勢 tāi-tsì kàu tsit ê pān-sè 所有的人情世事 sóo-ū ê jîn-tsîng sè-sū 早就攏看破 tsá tō lóng khuànn-phuà 我毋甘我毋甘 guá m̄-kam guá m̄-kam 望鄉一工過一工 bāng hiong tsi̍t-kang kuè tsi̍t-kang 我無愛踮遮 guá bô-ài tiàm tsia 娘媽請你𤆬我 niû-má tshiánn lí tshuā guá 轉去世間看 tńg-khì sè-kan khuànn
- Special thanks to W.B. Chen for correcting the lyric.
- Related Links: W.B. Chen
|